請問這陣幾點？
兩點十分。你欲創啥物？
我兩點半著去上課。你幾點會下課？
五點。
你一日上幾點鐘个課？
一日上兩點半鐘。
咱來去食點仔物件好無？
失禮，我這馬只有幾分間爾爾。下昏暗十點半有方便無？
失禮，我普通暗時十點睏。
遐呢早！
慣勢矣。
按呢無要緊！咱後禮拜來去日月潭𨑨迌幾日矣，好無？
失禮，大概袂使。因為頂個月我才開始學台灣話，所以這馬無時間當𨑨迌。
以後才來去，好無？
好！
補充新詞
- 逐 / 每
- 早起 / 早起時
- 中畫 / 中晝時 / 下畫時 / 下晡 / 下晡時
- 暝時
- 以前
- 學期
- 起來
- 食暗
句形練習
- 這陣一點。
這馬兩點半。
這馬三點十五分。
這馬十點五十五分。 - 我早起時十點半食飯。
伊下晡兩點會轉來。阮十點十五分上課。
怹中畫十二點欲去台中。 - 你一日讀幾點鐘。
我昨昏讀二點鐘。
睏半點鐘爾爾。
伊後禮拜會來十二點鐘。 - 以前我蹛佇台中。
以前我袂曉講台灣話。
以前伊毋捌我。
以後我欲蹛台北。
以後我欲學台語。
以後伊會轉去美國。 - 後學期。
後個月。
後禮拜。
後點鐘。 - 頂學期
頂個月
頂禮拜
頂點鐘 - 前一條巷仔
前一禮拜
前幾日
前兩個月
混雜練習
你譜通暗時幾點去睏？
你欲睏以前有創啥乜無？
幾日矣無讀册，有要緊無？
早結婚，早做老爸，是無？
佇台灣有啥乜較好𨑨迌个所在無？
下昏暗來去恁兜食暗有方便無？
食飯前著愛創啥物？
食飯後也著愛創啥物？
早睏早起來是你个習慣，是無。
你這禮拜著愛讀幾點鐘个台灣話？
無講國語攏講台語你會慣勢袂？
Earth, Wind, and Fire 