第十四課:去菜市仔買物件:肉米及卵

請問超級市場有咧買鷄卵無?
我毋知影。咱來去中正路看覓咧,好無?
好。
彼爿有真濟間店。
哦,遮有麵包店。我想買一斤食パン。
好啊。
我也欲買鷄卵。欲去佗位買?
咱來去對面彼間店仔買。
咱這馬過來去對面,好無?
細膩。庶車真濟。行較緊咧。
我欲一斤鷄卵矣。
隔壁彼間有咧賣米。你欲買無?
欲。你想五斤有夠無?
有。你猶愛買啥乜無?
我欲佫買肉。
你是欲買鷄肉,豬肉,抑是牛肉?
我欲買豬肉。
頭家,這款个一斤偌濟?
彼款个一斤百一。
我欲買半斤。
這袋,好無?六十五箍爾爾。
好,拜扽你共我絞絞咧。
我隨時及你絞。
一百箍予你找。
三十五箍找你。

新詞
超級市場 雞卵 看覓咧 點, 點仔 斤 麵包點 パン店 麵包 パン 食パン 細膩 車 急 慢 濟 隔壁 米 有夠 肉 雞肉 豬肉 牛肉 半 袋 拜扽 共… 鬥 絞 隋時 馬上

補充新詞
切片 火腿 鴨肉 雞卵糕

句形練習
1。半斤雞卵 一袋牛肉 兩本册 三斤李 四斤食パン 五條弓焦 六間學校
七尾魚 八台車 九張郵票 十項物件

2。請你行較急咧! 請你走較急咧! 請你寫較大字咧! 請你講較清楚咧!

3。請較早來咧! 阮會較晏開始。 我會較早共你講。 伊欲較晏轉來。

4。這款魚按怎賣? 這款豬肉按怎賣? 弓焦按怎賣? 牛肉按怎賣?

5。一公斤六箍 四張十六箍 八支二四箍 五尾百二箍 十粒卅二

問答練習
超級市場啥物款物件攏有咧賣無。
下課你有欲馬上轉去無?
你明仔載來共鬥搬厝,好無?
陳小姐拜扽你个代志你欲共伊做無?
創啥乜代志个時就愛細膩?
你講台灣話真急抑是真慢?
一斤牛肉兩斤豬,三个儂食有夠無?
隔壁林先生你及伊有真熟無?
麵包是米做个是无?
先有雞抑先有卵?
雞有雞卵,魚有魚卵,豬有豬卵無?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s