第十六課:出去外口食

發音練習
四川菜較薟,汝敢食無?
敢!
這間真贊、我常常來。怹个菜拢真好食。
按呢、咱蹛這食。
咱欲叫啥物菜?
汝供我叫、好無?菜單、我看無。
頭家、我愛湯醋排骨。
怹這有紅燒魚無?
頭家、一尾紅燒魚、一盤抄青菜。
(對林講)
汝猶愛點啥物無?
閣一个湯、啥物湯較好?
青菜豆湯𠀾敗。頭家、閣一个紅燒豆腐。
我想欲啉茶。
這塊杯仔垃圾垃圾!我提一个較清氣个予汝。
(菜來矣)
這盤叫做啥菜?
這盤叫做紅燒豆腐。
內面有啥物物件?
有肉、豆腐、及真濟物件。汝食看覓咧。
多謝!我家治來。
汝食許呢少!噉食有飽?
我腹肚有一點仔無爽快。
欲食柚仔無?
毋免。多謝。

補充新詞
食會慣勢
免稅
自助餐
便當

句形練習
怹个采真好食。
這枝真好寫。
台語會真好學𠀾?
汝个住址真歹揣。
著,真歹用。
漢字、真歹寫。
我腹肚有一點仔無爽快。
這項代誌、有一點仔麻煩。
菜、有一屑仔薟。
伊有一屑仔較慢。

問答練習
四川、佇中國佗位?
四川菜、噉拢真薟?
請汝請寡四川菜个菜名、好無?
恁厝有真清氣無?
無清氣个物件食著會按怎?
中國人講、柚仔若無苦、毋是好个柚仔。是毋是按呢?
腹肚、若大个(有)好看無?