復習:第九課到第十二課

故事本文
頂禮拜,拜六林先生去郵局買郵票。因為伊毋知影寄去美國个郵簡一張偌濟錢,所以伊問郵局个小姐。因為寄去美國个郵簡一張十二箍,總是伊只有十六箍,所以伊干焦會當買一張爾爾。伊有一張批欲寄去予伊佇台中个朋友。所以伊也買一張三箍个郵票。郵局外面有公共電話。林先生欲請伊个朋友來怹兜食飯,所以伊拍電話予伊。伊欲拍二三二空五一五總是伊拍毋著。伊拍二三二一五空五。因為伊這馬無錢所以伊袂當閣拍。

故事問答
林先生啥物時晨去郵局?
伊去郵局欲創啥物?
伊問郵局个小姐啥物?
伊有偌濟錢?
欲寄去美國个郵簡一張偌濟?
伊也欲寄啥物?
這張批欲寄予啥物儂?
伊買幾張三箍个郵票?
伊拍電話予啥物儂?
伊拍電話予伊个朋友欲創啥物?
伊是拍幾號?
彼个電話號著無?

應用練習
你來台灣偌久矣?
你逐日幾點去睏?
恁厝个電話幾號?
你逐日幾點去上課?
寄航空批去美國愛偌濟錢?
你一日上課,上幾點鐘?
你暗時幾點食飯?
你是啥物時晨來台灣个?
你今仔日幾點來上課?
你台語拍算學偌久?
寄去美國个郵簡一張偌濟錢?
你一日睏幾點鐘?
這馬幾點?
你今仔日幾點个下課?
你台語學偌久矣?
你拍算佇台灣蹛偌久?
兩張三箍个郵票,攏總偌濟錢?
這年一月初日是拜幾?
今仔日當時?
我欲拍一个電話。
請問你有銀角仔無?
你啥物時晨欲回國?
你會曉寫中國字袂?
你是啥物時晨開始學台語个?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s